Mesut e Gareth.

Fai unha semana coñecemos a noticia da retirada de Mesut Özil o que se une a de Gareth Bale despois de finalizar o mundial, pódese dicir que o segundo sustituiu o primeiro no Real Madrid aínda que non fora directamente así, indirectamente aquí pensamos que si, como son dous xogadores da nosa corda vamos falar un pouco deles.

Comezamos falando de Mesut o noso ollomol particular, aquí podemos dicir que un quince de setembro de 2010 vimos cun par de amigos  o seu debut en Champions no Bernabéu ca camisola do Real Madrid con aquel 23 a espalda que levou o primeiro ano de branco. Partido onde por certo deu unha asistencia ao Pipa, aínda que o que seguro que todos recordades foi a volta en Holanda cun 0-4 a prol dos madridistas e as auto-expulsións de Xabi e Ramos que puxeron a Mou no ollo do furacán.

Con Mesut tiñamos unha especie de Guti, un xogador xenial, pero con pinta de festeiro( dicían que tiña un charter preparado cada semana London-Moscú para facer certas cousas, de Madrid non lle faría tanto xeito, nos audios de Flo dicían que tiña outro charter a Milán) . Un xogador que estivo os tres anos de Mou e aínda que parecería que acabaron mal, fala bastante ben do portugués. Tan xenial que era que según lin é o xogador que máis asistencias de gol deu a CR, algo que non é fácil.

Un xogador dos que sempre rendía ben contra o Barça, aquel Barça dos clásicos raros do primeiro ano e os seguintes cando pasou a lucir o 10 na súa espalda. De feito unha recompilación de xogadas solo vs os cataláns que amosan o importante que foi nos clásicos, un crack. Mítico o pase a Cris na Liga dos records no gol no Campo Novo ou nun trallazo a escadra en Copa, naquel partido que os comemos vivos e se nos foi por pouco. Un ano despois en Copa si que axudou tamén o resultado.

Unha pena porque non foi quen de gañar a Champions e posiblemente fora o mellor do mítico día dos penals fronte ao Bayern. Un xogador que funcionou en tempos duros.

E foi moi triste para nos cando se foi, pero claro cinco Champions despois parece que o que se equivocou foi o noso ollomoliño, creo que el reconoceu ao elexir a camisola do Madrid para a súa carta de despedida, dicindo que chorou cando se foi pero sempre recordaremos a Mesut. Incluso esta semana Van Gol tamén dixo que marchar do Madrid fora un erro. 

A retirada de Özil trouxonos a mente a de Bale fai uns meses. Gareth o noso golfista, sempre foi do agrado deste blog ao igual ca Lukita, pedímolos dende o primeiro día.

Gareth foi de máis a menos vestido de branco, pero non deixa de ser un xogador chave nesta xeira de Champions, ao que a xente recordará pola carreira con Bartra e a chilena de Kiev pero foi moito máis. Velocidade, gol, desborde.... pensábamos que ía ser o novo Cristiano, foi un crack pero non chegou a onde esperabamos. Para ser un herniado non o fixo mal. Incluso nolo quixeron comparar con Hazard, en fin.

Queimado pola prensa ( que si golfista, hernia......) e que falaba castelán na intimidade parece ser, coma Aznar co catalán. Debeu irse trala final de Kiev coma Cr ,a todos nos iría mellor , a bo seguro terían moitos un recordo oziliano del.

O seu primeiro ano trouxo a Copa co mítico gol na que lle saltaron os pistóns a Bartra, por certo non fixo un bo partido pero no que tanto el coma o equipo tiveron numerosas ocasións,  e gol na Décima. Moi importante o ano da Undécima, con gol en semis e o penalti na tanda, posiblemente esa tempada 15/16 na que mellor nivel deu, aquela na do mítico gol anulado no Campo Novo. 

No ano do dobrete e a Duodécima, posiblemente o mellor ano de fútbol branco que disfrutou un servidor xunto cos anos da Quinta e o do ano II de Mou con Mesut por certo, a lesión a final de tempada e a aparición de Isco foi o principio do seu fin.

Os seus dous goles en Kiev con chilena incluida trouxeron a trece pero como dixemos ese día debeu rematar todo.

A primeira marcha de Zizou e a chegada de Lopetegui parecían darlle unha nova vida, pero xa nada foi igual.

O resto do conto xa nin nos nosos recordos está con cesión a súa outra casa incluida. A segunda saída do Chamán e a chegada de Carlo deulle un bonus  pero xa nada quedou ata a súa despedida con Isco curiosamente, o home que lle privou a titularidade na doce e na súa casa. Na liga do Covid tamén axudou algo, incluso lle anularon outro gol a base de frames no Campo Novo a pase de Mendy.A catorce tamén vai no seu lombo por pouco que fixera.

Moitas máis cousas poderíamos dicir do ollomol e o golfista pero solo queríamos deixar constancia do ben que lle queríamos e sempre estarán no noso recordo vestidos de branco. Sempre con cariño para ollomol e golfista.