No que a previa se refire os equipos do Fisober xogan como locais este fin de semana. Pero farano no remozado Pavillón de Dumbría debido a que no de Vimianzo se celebra a xuntanza anual de palilleiras.
O primeiro equipo xoga as 19 horas do sábado 9 de Novembro o seu partido correspondente a Segunda División Nacional fronte o Flavióbriga de Castro Urdiales. O Flavióbriga actualmente é oitavo na clasificación con tres puntos. Hai que ver como os equipos chegan despois do parón do fin de semana de Santos.
A tempada pasada os dous equipos se levaron unha vitoria e curiosamente a domicilio. En Castro Urdiales o Fisober gañara 4 a 7 o que resultara ser a primeira vitoria da historia das da Costa en Segunda División. Pero na volta en Vimianzo as cántabras devolveranlle a pelota e gañaran por 0 a 2. Polo tanto prevese un partido igualado.
Pola súa banda o equipo filial do Fisober tamén xoga o seu partido da Liga Provincial, será o sábado día 9 de Novembro as 17 horas tamén en Dumbría como apertivo do partido do primeiro equipo. Faio fronte o Grupo Work, un equipo de recente creación e moi similar o filial do Fisober, cheo de xóvenes xogadoras na súa maioría procedentes das categorías inferiores do Viaxes Amarelle.
Os dous equipos están igualados a puntos na clasificación e cuns números moi similares, co cal o partido debería ser igualado e vai ser unha boa pedra de toque para ambos equipos. O Grupo Work non tivo parón o anterior fin de semana xa que disputou un partido que tiña aprazado fronte o Troula en Betanzos o cal gañou por 2 a 3.
Previa de Segunda División.
Previa de Primeira División.
No hay comentarios:
Publicar un comentario