Fisober - Txantrea. 3-3.

SEGUNDA DIVISIÓN

RESULTADO : FISOBER “CONCELLO DE VIMIANZO”- TXANTREA . 3-3.

FISOBER : Eva, Patri, Nuria, Ana e Barca ; tamén xogaron : Myrella, Noelia, Olalla, Inés e Laura.

TXANTREA : Ainara, Kris, Virginia, Diana e María ; tamén xogaron : Ane, Amaia, Sandra, Nerea, Goizargi  e Ibañez.

ÁRBITROS : Miguel A. Vidal e F. Javier Roldán . Crono : Javier Sánchez.

GOLES : 1-0 Barca, 2-0 Barca, 3-0 Inés ( descanso ) 3-1 Amaia, 3-2  Diana, 3-3 en propia porta despois dunha serie de rexeites.

Na volta a competición  despois do parón de Nadal o  Fisober conseguiu o primeiro punto como local en Segunda División, pero quedouse ca mel nos beizos de acadar algo máis  xa que o tempo de lecer chegou cun tres a cero o seu favor, nun disputado partido que poderíamos dicir que tivo un tempo para cada equipo.

Arrancaron ben as locais xa que os tres minutos os colexiados sinalaban un penalti da porteira Ainara sobre Ana que se encargou de transformar Barca para poñer en vantaxe as da Costa.

Algo que deu un plus de tranquilidade as locais que deixaron un pouco o peso do partido as navarras. Un papel no que se sentiron moi cómodas as xogadoras do Fisober.

A primeira chegada certamente perigosa das  visitantes foi os seis minutos cando Eva detiña o lanzamento de Virginia. Con esa texitura foron transcorrendo os minutos.

Os trece minutos Patri sacouse unha xogada que rematou co seu lanzamento no pau da portería visitante. 

Pouco despois chegou a mellor ocasión visitante. Foi por partida dobre  primeiro de Amaia e despois de Kris que foron repelidas por Eva.

Nos últimos minutos o Fisober aproveitou un certo descontrol das navarras. A tres para o fin os árbitros sinalaban un libre indirecto por unha cesión a porteira e as locais moi atentas sacaron rápido e Barca facía o dous a cero.

E dentro da tolemia , a debutante Inés aproveitaba un balón na frontal para desfacerse da porteira e marcar o tres a cero co que se chegou o tempo de lecer.

O arranque da segunda metade foi premonitorio , o tempraneiro e extrano gol de Amaia, foi dentro do primeiro minuto, marcou que a tendencia no xogo e a sorte cambiaba de lado.

E así foi as navarras viñéronse arriba e foron máis agresivas e incisivas se cabe. No minuto dous Amaia estivo a piques de marcar o seu segundo gol. A pesares do dominio visitante as ocasións co paso dos minutos empezaron a decaer e o Fisober empezaba a voltar a sentirse cómodo.

Ata que os  oito minutos  as locais se facían un lío na saída do balón e os árbitros o igual que na primeira metade sinalaban un libre indirecto por unha cesión a porteira, e desta vez eran as visitantes as que aproveitaban a oportunidade para marcar o tres a dous por medio de Diana.

O guión do partido cambiaba , pero pareceu que o Fisober se serenou algo co resultado máis apretado. A nove para o fin unha xogada individual de Nuria remataba co lanzamento desta lambendo o longueiro.

Os minutos pasaban e parecía máis preto a primeira vitoria como locais na nova categoría das da Costa. Pero o partido aínda tiña preparados moitos sobresaltos.

A tres para o fin Sandra levábase un balón por potencia e  sen porteira aínda que un pouco escorada vía como o seu remate se paseaba pola liña de gol. A resposta foi a cargo de Patri quen se atopaba co pau despois dun lanzamento lonxano.

As visitantes decidiron arriscar coa porteira xogadora e obtiveron premio deseguido , cando a minuto e medio do fin unha xogada de balón parado facía unha carambola entre pernas do Fisober , sería imposible dicir quen foi a autora en propia porta, colándose amodiño na portería e cando Nuria chegou a salvala o balón xa traspasara completamente a liña.

O último minuto foi trepidante, parecía que a ningún lle valía o resultado, os riscos tomados polas locais propiciaron  unha recuperación visitante  cunha contra que foi freada pola porteira local  Eva ante a navarra Kris.

Aínda lle quedaba o epílogo o partido, cando a quince segundos para o fin Nuria vía o segundo cartón amarelo co cal se quedaban cunha xogadora menos, o primeiro foi por non levar as medias correctamente e o segundo por golpear forte un balón contra o muro. E a pesares de estar en inferioridade eses últimos segundos  unha contra prodixiosa de Patri que tivo que ser enviada a saque de esquina in extremis pola porteira visitante no último segundo , marcou o fin deste partido.

Destacar o debut con gol da cadete Inés en Segunda División, como xa fixera a tempada pasada no seu debut en Autonómica fronte o Bembrive, no día que o Fisober acadou o seu primeiro punto como local ante unha ateigada grada en Vimianzo.

A visión do Txantrea.