Copa Xunta. Fisober - F. Apóstol. 4-2.

COPA XUNTA

RESULTADO : FISOBER “CONCELLO DE VIMIANZO” – FUNERARIA APÓSTOL. 4-2.

FISOBER : Eva, Patri, Inés, Ana e Raquel ; tamén xogaron : Elsa, Olalla, Noelia, Barca, Myrella e Anabel.

F. APÓSTOL : Alba, Laura, Antía, Montse e Irene ; tamén xogaron : Cova, Lidia, Paula e Alba Gil.

ÁRBITROS : Emilio Losada e ; CRONO : Yajo Pájaro.

GOLES : 1-0 Noelia, 2-0 Noelia, ( descanso ) , 2-1 Irene  , 2-2 Irene , 3-2 Ana, 4-2 Patri.

Este sábado en Vimianzo disputábase o último partido para o Fisober desta edición da Copa Xunta e aínda que ambos equipos xa estaban eliminados as da Costa acadaron a súa primeira vitoria na súa historia  nesta competición ante o actual campión da categoría Autonómica, despois das derrotas fronte o V. Amarelle e o C. de As Burgas. Pero todo quedou deslucido pola lesión de xeonllo de Elsa que está a espera de diagnóstico definitivo.

O partido en si foi típico de pretempada con ocasións  para ambos equipos e con alternativas como gusta os siareiros e non tanto os adestradores.

O Fisober  tentaba facer o seu xogo habitual potenciando as probas que se fan nos adestramentos. Con ocasións e levando o peso do partido nestes primeiros minutos. As visitantes baseaban o seu xogo en ataque en Irene e en defensa en Montse.

Os dez minutos foi Noelia quen nunha contra adiantaba as locais. Solo un minuto despois era de novo Noelia a que aproveitaba outra contra para poñer o dous a cero. Con este resultado pareceu relaxarse un pouco o equipo local e cedeu protagonismo o Fune. Que incluso dispuxo dun libre indirecto que non aproveitou.

Os últimos momentos da primeira metade saíron con ataque de cinco as visitantes pero non lograron reducir distanzas.

Na segunda metade un par de erros locais o igual ca no amigable da semana pasada fronte o Marcón, permitiron igualar o partido as visitantes. Irene no minuto 23 e no 24 facía dous goles e botaba por terra o traballo local da primeira metade.

O partido colleu máis ritmo a partires deste momento. As ocasións sucederonse aínda que principalmente a favor do Fisober. Ata que no minuto 27 unha combinación permitía a capitana local Ana poñer as súas en vantaxe co 3 a 2.

As visitantes tomaban cada vez máis riscos na busca da igualada o que permitía o Fisober ter ocasións a contra. Así Noelía estivo a piques de facer a tripla pero o seu lanzamento foise o pau.

Cando faltaban cinco para o fin as locais dispuxeron dun libre indirecto o seu favor que non aproveitaron e o pero e que no rexeite desa xogada se produxo a lesión de xeonllo de Elsa.

Dende ese momento o partido xa tomou outra perspectiva, con ocasións finais para os dous equipos.

As visitantes decidíronse polo ataque de cinco para os últimos dous minutos o que aproveitou Patri para certificar o partido co 4 a 2 nos derradeiros segundos.

Fotos propia e Familia Fandiño Trillo.