Fisober B - Ponteceso. 0-7.

LIGA PROVINCIAL

RESULTADO : FISOBER B “CONCELLO DE VIMIANZO” – PONTECESO. 0-7.

FISOBER B : Martina , María, Tamara, Inés e Laura ; Iria, Mónica, Natalia e María Maroñas.

PONTECESO : Salomé, Ana, Martina, Carmen e Sandra ; tamén xogaron : Alba Reyes e Alba Marrozos.

Árbitro e mesa : Vicky Mosquera e Sandra Vilouta.

GOLES : 0-1 Sandra , 0-2 Carmen, 0-3 Martina, 0-4 Sandra ( descanso ) 0-5 Martina, 0-6 Carmen , 0-7 Carmen.

Puxo fin a liga nesta tempada o filial do Fisober e fixo cunha clara  derrota no derbi fronte o Ponteceso nun partido no que foron de máis a menos, empezaron ben pero foron diluíndose co transcurso dos minutos.

O partido arrancou interesante e nos primeiros minutos estivo disputado. A primeira ocasión clara foi para a visitante Carmen ben resolta por Martina.

Despois chegaron tres grandes contras do filial nas cales nin María na primeira, Inés na segunda e Iria na terceira foron quen de superar a Salomé.

Quen si atinou co gol foi Sandra a que aproveitou nunha contra para superar a Martina e conseguir a pracer o cero a un os once minutos de partido. E case a continuación aumentan vantaxe as visitantes cun lanzamento o pau.

Puido igualar Natalia cando se lle escapou un balón a Salomé, pero esta última reaccionou a tempo antes de que a local impactara co balón.

A once para o fin desta primeira metade era Carmen a que facía o cero a dous. Unha xogada individual da local Inés foi a última gran opción das locais de voltar a entrar no partido pero tampouco foi quen de superar a Salomé.

A oito para o fin chegaba o terceiro gol visitante obra de Martina e a catro para o tempo de lecer era novamente Sandra a que facía o cuarto.

Dende aquí ata o final destacar unha ocasión de Tamara quen tampouco atopou o desexado gol local.

O arranque despois do tempo de lecer foi definitivo. En cinco minutos chegaron tres novos goles visitantes. Primeiro era Martina a que facía o quinto, o sexto foi despois dun lanzamento de Carmen o cal petou en Natalia e se introduciu na propia portería e novamente Carmen facía o sétimo e definitivo gol do partido.

Dende aquí ata o fin non se moveu o electrónico aínda que os dous equipos tiveron claras ocasións. Para as locais podemos destacar un lanzamento o pau de Inés e un man a man de Inés que sacou unha xogadora visitante baixo paus.

VERSIÓN PONTECESO.

PARTIDO PRIMEIRA VOLTA.