Despedida.

Despois de tanta critica tiña pensado escribir algo sobre a despedida de Arbeloa, pero vin que outros xa o fixeron por min así que tirarei deles. Iso si , o que digan os periolistos e antimadridista sobre este tema impórtame ben pouco, o que opinen outros madridistas si que o respeto. Debo recoñecer  que a Arbeloa sempre lle tiven un cariño especial dende que xogaba no Castilla, que se acrecentou cando volveu e foi queimado pola prensa e pola xente, así de claro, quizais non son obxectivo no tema pero véxome reflexado  un pouco en Arbeloa, da a impresión de que pensa no club e non en el mesmo, lonxe de egos persoais e demais, coma calquera madridista da rúa.

Todos sabemos que nun vestiario hai xente que cando non se sinte protagonista, empeza a tirar e soltar merda, si eses que din querer tanto o club, pero que despois firman  o conmigo ou todo o carallo. Que si malmeten entre xogadores, que van falar cos seus amigos periolistos …… e despois están os que a pesares de non irlles ben pois tentan axudar , a crear bo ambiente, a dar consellos, fan o traballo na sombra cos compañeiros, pensando no club por encima de todo,  con Arbeloa teño esa impresión por iso se lle ten un cariño especial por este humilde servidor, nin máis nin menos. Ese tipo de xogadores dentro dun vestiario son moi difíciles de atopar.

Rubén Uría : “ Algo non funciona cando hai xente ofendida porque unha afección decide exercer seu dereito : despedir a un dos seus con agradecemento.”

Carlos Luis Uvidia : “ Arbeloa sinte o madridismo nas venas, é coma si un afeccionado  tivera a oportunidade de xogar no Madrid, un soño feito realidade.”

Mad Utd : “ A cariñosa despedida a Arbeloa é unha derrota da prensa que a pesares de anos de campaña , vese que predicaron no deserto.” #resquemor.

Juan Moral : “ O respeto gáñase, a honestidade apréciase, a confianza adquírese e a lealdade devólvese”.

Quillo Barrios : “ Ó final cada un ten o que merece. Arbeloa pódeche parecer mellor  ou peor xogador, que estivera mellor ou peor nos últimos anos, pero ó final é un home de club , que é algo que hai que valorar  xa que non sobran precisamente. É un tío que sempre deu a cara polo Real Madrid , que nunca se lle escoitou unha palabra de máis, que nunca lle vistes polémica o seu arredor cando non xogaba.

“ (…) . Non tivo problema nin con Pellegrini, Carlo, Benítez ou Zidane por moito que xogase ou non. O final iso trasládase . Por moito que haxa periodistas que o manipulen porque Arbeloa non é amigo seu , porque non lles da informacións ou exclusivas , a xente non é tonta. É verdade que consumen moita porquería , pero a hora da verdade danse conta de que Arbeloa, máis alá de ser bo ou mal xogador , un mellor ou peor defensa , é un home que quere ó Real Madrid como ten que querer un rapaz que sae da canteira. Outros con máis nome non o fixeron así  e por iso saíron de outra maneira. Arbeloa sae como merece , sae deixando a porta aberta porque todo mundo sabe que vai  volver  e sae coa despedida que calquera xogador do Real Madrid soñaría , pero porque el conseguiu que fora así polos seus actos . (….). Seu compromiso co Real Madrid non o poderá poñer en dúbida ninguén.”

“ O que lle apeteza a gloria debe despedirse  a tempo .... e dominar o difícil arte de marchar no momento oportuno.” Nietzsche.

Frases de Arbeloa no blog : Primeira , Segunda , Terceira.