Non todos .....

Non todos queríamos que gañara a Premier  o Leicester, un servidor por exemplo ten un  apego especial co Tottenham  polo que quería que os de London se levasen a Premier. Modric , Bale e algunha que outra cousa teñen moita culpa disto.

Non cabe dúbida que  en certo modo un equipo "aparentemente" pequeno gañe ,  que o pequeno amose que se pode gañar con collóns, traballo, coraxe e sorte,  a sorte é sempre moi importante non o dubiden.  Dende o Forest de Clough non había novo campión en Inglaterra, moito mérito para un defenestrado Ranieri.

Tamén é positivo que despois de aguantar pouco menos que o Barça inventou o fútbol e solo valía o toki-toki  ese agora son válidas outras opcións, como a do “ Lester “ , que solo gañou a posesión en 5 partidos da Premier. Ou o rochoso Atleti do Cholo co seu grandioso entramado defensivo , que chega arriba con tres ou catro pases. Agora ese fútbol si que mola eh !!!

Os que estades no carro do “Lester”  e que seguro que víchedes numerosos partidos do cadro de Ranieri, agora non criticaredes cando outros equipos fagan ese tipo de xogo, supoño. Aceptar a versatilidade do fútbol e o amoldarse o tipo de xogador que tes, iso tamén é fútbol, non solo hai un estilo por moito que nos queiran vender,  cantos anos e cantas discusións por aquí sobre ese tema, a razón a mesma sempre:

Mentras que non o faga o Madrid será válido, xa que si o Madrid xoga o toque non valerá xa que será aburrido e si xoga a contra será de equipo pequeno, a leria de sempre. Como sempre digo no Real Madrid o que vale é gañar  e as copiñas, o resto papel mollado. O que digan os periolistos. Ou o xardineiro de Catar, daría o visto e prace a Premier do Lester ou será indigna.

É coma os que sempre me critican por ser do Madrid sendo galego, un é do equipo que lle da a gaña e punto. Moitos dos que tanto me critican o outro día xogando o equipo do seu pobo un partido vital, si do seu pobo, iso tamén é Galicia penso, pois arriaron no descanso ou incluso xa nin foron para ver a outro equipo pola tele, o que manda o chan a súa teoría conspiratoria. De feito un servidor normalmente vai ver sempre que pode o equipo do seu pobo, incluso xogando o Madrid, como exemplo o sábado que preferín ir ver un partido de alevíns a un do Madrid xogándose a liga, pero claro son un traidor da patria por ser madridista  o que hai que aguantar se non coñecen nin os xogadores do equipo do seu pobo, vaia por deus.

Coma os que son de  dous ou tres equipos a vez. Eso é posible ? Si seus dous equipos se xogan na última xornada  un título  ou un descenso , por cal acuden ? Un tempo cada un ? Vexo normal que a xente sexa do equipo que xoga contra o Real Madrid dese equipo son moitos , pero dicir que eres de dous na mesma competición , non me cadra. Eres de un ou de outro non hai máis, a ver si fan pronto un estudo sobre o tema e me sacan de dúbidas. Podes simpatizar con outros equipos pero ser solo se é de un ! Ser do Madrid e simpatizar co Tottenham, Juve ou Espanyol , nada máis, pero cando xoga o Madrid contra estes rivais quero a vitoria do Madrid , así de claro. 

Hoxe está de moda dicir como mola a Premier, esa si é unha liga, non o noso esterco de liga. Supoño que eses verían moitos partidos de Premier para opinar, un servidor sinceramente cachos e pouco máis, gustaríame ter visto máis pero non se deu o caso.  Pero como sempre di un amigo meu, os xogadores sempre son bos nos resumes e en “Yutú” , pero hai que velo xornada tras xornada e despois falamos, algo parecido poderíamos aplicar a Premier. Ollo que un dos meus soños é vivir un partido de Premier en directo, pero sacar conclusións polo título de Liga do “Lester”, si na próxima década se sigue cumprindo voltaremos a falar .

Como se moven por Europa os equipos españois e ingleses tamén pode significar algo, ou non ? Quizais non é tan mala coma nos venden a Liga española ? Cabeza de rato ou cola de león ?

Desafoguei, podedes criticarme xa.

Football.