Ano novo, hateo igual !

Vou arrincar o ano cunhas novas palabras do Real Madrid , que suplicio, hoxe volve o modo hateo pero algo preguiceiro xa que tiro de moitas palabras de outros para poñelas na miña boca. Dame que o luns remata a etapa Benítez, pero xa será tarde, sen Liga, sen Copa e cuns xogadores aínda con máis poder. Todo negativo vaia.

Cada vez que remato de ver un partido do Real Madrid prométome a min mesmo que non vou volver a verlles un partido mentras sigan Benítez e Cristiano, ou faga unha alineación diferente, que tome decisións non que sexa politicamente correcto. Pero finalmente deixome convencer e volvo a velos para marchar outra vez cabreado e así nun dejavú constante. O madridista debe estar no bo e no malo, pero ou cambiamos cousas ou mal vamos.

Creo que eu en semanas anteriores xa escribín suficiente sobre o tema e non lle vexo solución. Benítez claramente non é o único problema, pero non era o home adecuado para conducir este proxecto e menos para reflotalo. Cristiano , Benítez e Florentino cada un deles poden ter a súa cuota de culpa do noso grave problema enquistado nun vestiario nocivo en un ambiente aínda máis nocivo.

Benítez non é o principal problema do Madrid , pero non deixa de ser certo que empeorou o equipo que colleu, solo Lucas parece estar a un nivel aceptable, un Lucas que case ningún queriamos por certo. Xogamos de maneira penosa , pero o problema é que non se olla posibilidade de mellora, incluso todo o contrario, cada día xogamos peor, calquera equipo nos marea. Xogadores indolentes e un adestrador obsoleto, son a causa penso.

E nada sigue sen cambiar, volve a poñer a BBC , que non funciona, e volve a poñer os mesmos 11 que non dan o nivel, con eses once non esperemos ter resultados diferentes. A min fai tempo que me sobra a C, pero ala eles. O que condiciona o equipo , non o soluciona no campo. Por moito que se reivindique, que di que fala alí, fala si pero para min di moi pouco del o que demostra no campo. Pero claro marca dous goles, falla tropecientos, quere tódalas faltas e tódolos balóns e aínda hai que  alabalo , en fin.

Do vestiario podre e corrupto que da a impresión que temos non quero falar. Calquera que chegue podrece se non somos capaces de limpialo e o problema é que nos estamos a cargar a xogadores moi potables, entre este vestiario e un adestrador pouco válido. Que ben nos viña un perfil Chapu ou Masche nel como sempre digo.

Non son partidario de que os xogadores decidan o futuro nin os adestradores do club, de feito son partidario de todo o contrario. Pero Benítez non é o home dende o día 1. O igual que non o eran certos xogadores.

Para isto me serven os partidos do Madrid, para cabrearme e desafogarme escribindo, para pouco máis.

No bo e no malo somos do Real Madrid, eso non o olvido.

En artículos anteriores :

Non retorno.

Dereito, lei, TAD.

Efecto Wanderlei.

Artículos sobre o Real Madrid.