Muxía - Porteño. 0-3.

MUXÍA C.F. : Ángel Luís, Carrera, Jose Manuel, Currás, Pataca ( minuto 60 Felipe ), Ángel do Claudio, Julián, Raúl , Arxires ( minuto 82 Santi Negro) , Juan do Coral ( minuto 35 Miguel Camarón) e Martinciño.

PORTEÑO : Jimmy, Pejo ( minuto 16 Yago) , Brais, Oscar, Maikol( minuto 82 David cadete), Piti, Cousillas, Asier, Isma, Wii ( minuto 72 Tajes)e Jorgito.

EXPULSIÓNS : Minuto 76 Felipe e Jose Manuel do Muxía por vermello directo por protestar.

GOLES : 0-1 minuto 14 Jorgito, 0-2 minuto 48 Brais, 0-3 minuto 61 Wii.

O Muxía sigue a acumular derrotas nos seus partidos e desta vez tocoulle perder no derbi de proximidade fronte o Porteño.

O Porteño tentou combinar de saída na Arliña. Así unha xogada por banda dereita finalizou cunha chegada dende a esquerda de Pejo que rematou de cabeza pero vía como Ángel Luís facía unha excepcional parada enviando a saque de esquina o que parecía o primeiro gol visitante.

Pero non puido frenar o gol de Jorgito que recibiu na área despois dunha serie de combinacións do seus compañeiros e na maraña de xogadores adiantou o Porteño de tiro raso.

Pouco despois Juan do Coral levantaba demasiado a bota impactando na barbilla de Pejo producindolle un corte no cal tivo que levar 5 puntos, tendo que ser sustituido por Yago.

Os minutos pasaban e o partido seguía igual de falto de intensidade e xogo. Ata que os vintecinco minutos unha xogada local finalizaba cunha volea de Jose Manuel que enviaba Jimmy a saque de esquina noutro paradón.

O Porteño dominaba pero non era quen de tirar con perigo entre os tres paus da portería de Ángel Luís e o Muxía apenas chegaba.

Pero nunha das escasas chegadas locais un saque de esquina de Martinciño foise a escadra os 35 minutos.

A resposta do Porteño foi por mediación de Wii que se prantou solo ante Ángel Luís pero non foi quen de superalo. De novo Ángel Luís voltaba a ser o mellor dos locais desesperando os visitantes e facía seguir vivo no partido os seus.

A piques de chegar o tempo de lecer Martinciño tivo a última opción clara dos locais en todo o partido.

A segunda metade comenzou case co segundo do Porteño e a sentencia o partido. Unha moi boa xogada trenzada en ataque polos visitantes foi finalizada por Brais no área de forte dereitazo para facer o segundo e sentenciar o partido.

Os locais desapareceron ante a dificultade do tanteador e o habitual baixón físico. E o Porteño adicouse a tocar sin querer  poñer máis sal na ferida.

Aínda así unha xogada por banda esquerda finalizouna Wii no minuto 61 para matar o partido.

Dende aquí ata o fin pouco máis que comentar. Solo que no minuto 75 nunha extrana situación  cando o local  Felipe estaba sendo atendido fora do campo e ía ser sustituido por lesión  foi expulsado, supoñemos que protestar , e nas protestas por dita expulsión foi expulsado tamén Jose Manuel. Co cal os locais vironse obrigados a xogar con nove o tempo que restaba.

O Porteño adicouse a tocar sin arriscar nin querer  aumentar a diferenza ante un rival ferido, e na única que tiveron nunha contra de catro xogadores contra Ángel Luís , Tajes encheuse de balón e mandouno fora  moi desviado ante o asombro dos seus compañeiros.

As noticias positivas  no Muxía foi o debut do cadete Santi Negro , irmán do xogador do Camariñas Adrián Negro e a volta de Miguel Camarón a Arliña, onde se lesionou a finales de Setembro no partido que enfrontou o Muxía e o Cabana.