Un 24 de marzo de 1878 nacía en Muxía, Gonzalo López Abente. Deixamos a continuación un texto dixitalizado no seu día pola RAG para conmemorar o seu nacemento.
A TEMPESTADE.
Era valente a barca
e arriscado o patrón que a dirixia.
De cor tornando iba o cristal do mar
baixo as nubes loitosas que engulian
as raiolas do sol.
O vento viña
erguendo e baticando a branca escuma.
Fixo a centela unha fulxente liña
na entrana pavorosa da tormenta,
e cal salvaxe fera montesía
remexeuse bruando o mar salgado;
a branca vela salaióu dorida,
o mastil rechinóu,
fundínose nas augas as cruxias,
as cordas do aparello refungaron
e, coma un galgo ceibo na campía,
a miña barca entoleirada corre
e entre os tombos do mar leda rebrinca.
Nas mestas sombras o timón amostra
a inqueda barca unha iñorada via;
que o corazón amante unha esperanza.
No limiar da súa obra póstuma Decrúa falaba do seu nacemento : " .... un día coma hoxe 24 de marzal do ano 1878 ás catro da serán, que cadrou en domingo, con feira en San Isidro, abrín os ollos á vida pola fiestra da casa do cabo da Grixa en que moraban meus pais, ollei craramente un outro cruceiro e que no seu cume agoniaba un mártir cos brazos en crús. Aquel día escoitei a rapsodia máis subrime e fíxeme segrel. Pillei un laúde e con ele ao lombo boteime a cantare polo mundo adiante...." ,vía Consello da Cultura Galega.
No hay comentarios:
Publicar un comentario