Fisober - Mos. 6-1.

RESULTADO : FISOBER “CONCELLO DE VIMIANZO” – CONCELLO DE MOS: 6-1.

FISOBER : Paula, Patri, Nuria, Ana e Barca ; tamén xogaron : Elsa, Noelia, Ylenia, Myrella, Olalla, Eva  e Alba.

MOS : Asun , Silvia, Vanesa, Marga  e Sara; tamén xogaron : Katty, Adriana, Isabel  e Melisa.

ÁRBITRO E MESA : Emilio Losada e Yayo Pájaro.

GOLES : 1-0 Ana,(descanso ), 2-0 Barca, 3-0 Patri, 4-0 Barca, 4-1 Vanesa, 5-1 Ana, 6-1 Nuria.

Un Pavillón de Vimianzo ateigado e entregado  unido a  un Fisober enorme foron a simbiose perfecta para que as da Costa se queden a solo tres puntos do título de Liga Autonómica a falla de tres xornadas despois de golear este sábado   o segundo clasificado o Mos.

Conscientes da importancia do partido os dous equipos saíron totalmente concentrados a pista, pero as locais tentaron impoñer o seu ritmo e o seu xogo.

As primeiras ocasións foron para elas  e así unha chegada por banda de Patri tivo que ser enviada a saque de esquina pola visitante Asun. E casi sin tempo para respirar era Barca a que tiña a opción de abrir o marcador.

As locais seguían o seu e Nuria de forte disparo poñía a proba de novo a Asun os cinco minutos.

Pero rondando os oito minutos de partido chegaron os mellores momentos visitantes a contra que foron ben freados pola meta local Paula. Primeiro foi a visitante Silvia quen recuperou para despois tentar sorprender dende lonxe por encima.Despois foi a perigosa e bulliciosa Vanesa quen se topou con Paula.

Chegábase o intermedio desta metade e de novo Barca non atinaba para adiantar as súas. A resposta visitante non se fixo esperar e de novo Vanesa non era quen ante unha inmensa Paula.

Parece que estes sustos puxeron en alerta a un Fisober que decidiu non dar máis marxe de maniobra as visitantes neste tempo e lanzouse na busca do gol. No minuto trece primeiro Ana lanzaba para que atallase Asun e despois era o turno de Barca.

Achuchaban cada vez máis as locais ata o punto que despois dunha xogada de Patri as de Mos case fan gol en propia porta. E tanto foi o cántaro a fonte que a cinco para o fin as visitantes cometeron penalti.

Un penalti o cal tomou a responsabilidade de tirar Ana e que supuxo o gol que deu un pouso de tranquilidade as locais.

Nos últimos minutos deste periodo  buscaron un segundo gol sin descanso, dispuxeron de  ata tres contras finalizadas por Nuria pero que non tiveron o premio do gol.

E  na última xogada antes do tempo de lecer unha contra a desesperada xa que remataba o tempo  petou en Elsa e foise amodiño a rentes do pau.

A saída da segunda metade as visitantes decidiron dar un paso adiante conscientes de que se lles escapaba a Liga. Pero como na primeira metade fora  Paula  nesta segunda Eva tamén  estivo inmensa. Ningunha das dúas deron un alo de esperanza o rival.

Os catro minutos Barca tiña a ocasión para o segundo local. A resposta visitante foi por medio da pivote  Katty que bateu no pau de Eva. Pero o partido xa collera un ritmo endiañado e Nuria topou con Asun na contra.

E claro tocaballe disparar as visitantes pero Eva era un muro infranqueable. A resposta do Fisober deulle a opción a Elsa e Ana. Corrían os minutos nun sin vivir e chegaron as últimas grandes opcións no ida e volta para as visitantes pero Adriana ata en dúas ocasións non pudo superar a Eva.

Todo mudou e se clarificou  cando os oito minutos Barca facía o segundo gol local ante o delirio do público. 

E sin tempo a disfrutalo era Patri a que poñía o terceiro e mataba totalmente o partido.

Xa que logo  as visitantes pediron tempo morto e optaron pola porteira –xogadora como última nave para seguir vivas na Liga. A ruleta rusa foi un manxar para as locais, cada roubo era unha opción de perigo clara, así Nuria ou Patri probaron sorte dende propio campo.

Incluso a porteira Eva estivo en varias ocasión preto do gol. Solo a sete para o fin un disparo da visitante Katty se foi de novo o pau.

Pero o Fisober a contra era mortal e Barca facía o cuarto a sete para o fin. Mos seguía co ataque de cinco e o premio tiverono cun tiro cruzado de Vanesa a cinco para o fin.

Puro espellismo xa que a catro para o fin un roubo de Ana propiciou o seu tiro dende propio campo para poñer o quinto e casi deseguido Nuria facía o sexto.

Dende ahí ata o fin festa nas gradas, e un par de dobre penaltis para as locais nos pes de Noelia e de Ylenia que mandou o seu lanzamento o longueiro.E os dous equipos desexando xa o fin.

O final do partido desatou a festa nas gradas e deixou a solo unha victoria do título de Liga Autonómica o Fisober.

CRÓNICA DO MOS.

Agracedementos a Nuria Señorita que nos pasou  parte das fotos.