O tifo de Braga.

Interesante post de Portugaliza 112.

 «O equipo local tratou de amosar un tifo no que reivindicaba a súa supremacía histórica. «Antes de que se lle dese un nome, xa había terra. Antes de ser cidade, xa había poboado. Das xentes antigas naceu Bracara Augusta, onde as armas, a lealdade e a terra se converteron nunha soa», rezaba o manuscrito en latín que presidía a peza.

Xunto a ela, un mapa da Gallaecia romana coas provincias de Bracarensis, Lucensis e Asturicensis.

A imaxe respondía á disputa milenaria entre as cidades de Braga e Guimarães, que se remonta a antes da fundación de Portugal, involucrando conflitos entre os arcebispos de Braga e os condes do Condado de Portugal.

No fútbol, ambos os clubs, fundados en 1921 e 1922, compiten por ser o «cuarto grande do país», utilizando os alcumes de «marroquís» e «españois» respectivamente.

O mosaico representaba a personaxes históricos da rexión: dos brácaros que habitaban antes da chegada dos romanos aos visigodos e suevos que compartiron reino con Galicia.

Completan os nomes propios o rei Hermerico, fundador do reino suevo galego, o sacerdote e historiador Paulo Orosio, o «apóstolo» San Martiño de Dumio ou o templario Dom Gualdim Pais. Todo iso para reafirmar un dos seus lemas: «Antes de nacer Portugal, Braga era capital». O tifo completábase coa repartición de follas voandeiras divulgativas sobre o mesmo.

A imaxe está xerando unha gran admiración e balbordo nas redes sociais, onde se aplaude a iniciativa do club por conxugar a divulgación cunha rivalidade deportiva. «"Grazas aos centos de voluntarios que, durante as últimas semanas, contribuíron a crear o que se pretendía que fose un momento histórico que realzaría non só ao SC Braga e á súa cidade, senón tamén ao fútbol portugués», engadiu nas súas contas oficiais o club."

* Noticia de Víctor P. Currás para o Faro de Vigo.